BUTUAN CITY – Suportado sa Labor Group nga Federation of Free Workers ang pag-file sa House of Representatives og motion for reconsideration batok sa desisyon sa Korte Suprema nga unconstitutional matud pa ang impeachment complaint sa sa House of Representatives batok kang Vice President Sara Duterte.
Sumala ni Atty. Sonny Matula, ang Presidente sa Federation of Free Workers nga dili matud pa matawag nga unconstitutional ang 1 year bar rule sa tungod kay sumala sa kaso nga Francisco vs. House Committee on Justice, mamahimo lamang counted ang mga complaint kung na initiate na kini.
Taliwas kini sa kamatuoran nga wala ma-initiate ang una ngadto sa ika tulo nga impeachment complaint. Dugang ni Matula nga wala untanay angayang ikatingala tungod kay ang tanang reklamo sa unang tulo ka mga impeachment complaint, kay naa naman sa ika-upat.
Dugang pa niini nga wala matud pay nakabutang sa balaod nga kinahanglan pang hatagan og kopya ang Bise Presidente sa ika-upat nga impeachment complaint adiser kini ipasa sa Senado, ilabi na nga nakalatid sa Article 3, paragraph 4 sa batakang balaod nga ugaling i-indorso na sa 2/3 sa mga kongresista ang maong reklamo, makonsidera na kining articles of impeachment.
