BUTUAN CITY – Naglaom ang grupo sa mga mamumoo nga iyagyag ni Presidente Ferdinand Bongbong Marcos Jr. sa State of the Nation Address (SONA) niini karong adlawa ang iyahang mga plano ug hisgutanan alang sa katungod sa mga mamumuo sa Pilipinas.
Sumala ni Atty. Sonny Matula, Presidente sa Federation of Free Workers, nga kinahanglang mahatagan og pagtagad sa Presidente ang mga nag-ungong nga sugyot-balaodnon alang sa kaayuhan sa mga mamumoo sa Pilipinas sa ika-upat niini nga SONA.
Sumala niini nga naglaum matud pa silang mga yunyunista nga hatagan og gimbug-aton ni Presidnete Marcos ang hisgutanang suholan sa mga mamumoo sa nasod, ang pagwagtang sa kontraktwalisasyon kon ENDO — kon ang pagtapos sa kontrata sa lima ka bulan nga nagtrabaho ang empleyado — ingon man ang paghatag og espasyo sa mga mamumuo nga dali rang makamugna og Union arun duna kini gahum sa mga kumpanya.
Kinahanglan usab matud pang hatagan og pagtagad sa Presidente ang kaluwasan sa mga mamumuo ilabi na niadtung mga derektang apektado sa kaiinit sa adlaw o kabugnaw sa panahon.
Saysay ni Matula nga wala kaayo nahatagan og pansin sa Marcos Administration ang mga panginahanglan sa ilahang Sector, kini kung kuhaan lamang og base ang performance sa Presidente sa nakalabayng tulo ka Sona niini.
Sigon niini nga ang tubag matud pa sa pangamhanan nga Regional Tripartite Wages and Productivity Board (RTWPB) ang nahimo na hinoong problema sa mga mamumuo ilabi na sa regional level tungod kay halos dili naman hinoon mosaka ang sweldo sa mga tawo niini. Subling gipasabot ni Matula nga ‘discrimination’ ang maong balaod tungod kay ang mga mamumuo raman sa kaulohan ang nabulahan niini.
Tubag matud pa sa maong problema mao nga kinahanglang matud pang ipatuman na ang sugyot balaodnong National na ang rata sa suholan sa mga mamumuo, ug dili na regional.
