BUTUAN CITY – Nanawagan ang Labor grupo nga Partido Manggagawa sa nasudnong kagamhanan sa Pilipinas nga wagtangon na ang online gambling sa nasod. Sumala ni Wilson Fortaleza, tigpamaba sa maong grupo, kinahanglang dili na accessible sa mga ordinaryong Pilipino ang nasangpit nga mga sugal.
Saysay niini nga daghan na ang mga na-adik na sa nasangpit nga sugal, lakip niini ang mga bata, ingon man mga hamtung mga nga wala ug dunay trabaho, kansa wala’ay laing nakadaog kondili bugtong ang mga operators lang. Dugang sa opisyal, kung daghan ang mga adik sa online games, mas mudaghan usab ang krimen.
Nagtuo usab si Fortaleza nga dili imposibleng daghan na usab nga mga pangalan sa mga dagkong tawo ang manggawas sa nasangpit nga issue kansa kasamtangan karong gi-imbestigahan.
Gihimo niining panag-ingnan ang mga e-sabong nga aduna matud pay protektor nga mga pulis ug uban pang mga dagko og ranggo nga mga anaa sa gobyerno. Dugang niini, kung dunay organisadong krimen, duna usab kini organisadong mga protektor.
