Patay ang usa ka Pilipinong engineer human human niini gisulayan pag saka ang pinaka taas nga bukid sa tibook kalibutan, ang Mount Everest.
Naila ang maong mountaineer nga si Engr. Philipp PJ Santiago, kansa parte mountaineering Association of Krishnanagar – Snowy Everest Expedition 2025. Katapusang nasigpatan si Santiago sa Camp 4, kon ang area nga gitawag og “death zone” tungod sa extreme altitude niini ug kakulang sa oxyen.
Adbokasiya sa maong climber ang pagtabang sa mga bata nga may cancer, ug alang usab sa clean drinking water sa Pilipinas.
Taas nga panahon ang gi-gugol ni Santiago alang sa maong expitisyon, lakip ang pagdagan sa 42 km marathon suot ang backpack nga dunay sulod nga 15 kilos. Nipailalum usab kini sa Ice Climbing training, ug nibalik sa makaduha sa Nepal niadtung 2023 arun sakahon ang Everest basecamp ug usa ka gamayng bukid niadtung nakalabayng tuig.
Ning Abril lang, gisulayan na niini pag saka ang pinaka tumoy sa Mount Everest kauban sa iyahang ig-agaw nga si Karl Santiago isip Basecamp Support Staff.
Ning nakalabayng semana, naigo sa usa ka avalanche ang team ni PJ, apan gipa-padayon lang gihapon kini sa ilahang kaubang doktor bisan kon nawad-an kini sa makadyot og panimoot ug nasamad sa aping.
Base sa datus sa The Himalayan Database, matag tuig dunay mamatay nga mountaineer nga misulay pagsaka sa Mt. Everest. Sumala sa datus nga anaa na sa 340 ang namatay sa maong bukid sukad niadtung 1921 ngato sa syeptembre ning nakalabayng tuig.
Ning tuiga, si Philipp na ang pianakunag non-local nga namatay sa maong bukid.
Sa kasamtangan, wala pa manaog ang patyang lawas ni Philipp, ug dili pa usab klaro kung unsa ang hinungdan sa kamatayon niini.
