BUTUAN CITY – Nanawagan si Miss International 2016 Kylie Verzosa kang Miss Grand International (MGI) president Nawat Itsaragrisil nga deleton ang post niini sa socialmedia nga dunay personal number sa beauty queen.
Sigon sa instagram post sa beauty queen nga daghan matud pa siyang nadawat nga mga tawag sa iyahang cellphone, ug wala kini masayod kung diin nakakuha si Nawat sa iyahang numero.
‘Hi @nawat.tv… you accidentally posted the wrong number that happens to be mine… Please take it down,’ sumala pa ni Verzosa.
IHuman niini, nangayo gilayon og pasensya si Nawat kang Kylie sa iyahang Instafram Story, diin sumala niini nga natanggal na nini ang maong numero, depensa sa personalidad nga duna lamang matud pay nag hatag kaniya sa maong numero og wala na niini mabantayi nga kang kylie diay ang nasangpit nga numero.
Wala pa masuta kung diin gipost ni Nawat nga platform ang numero, apan una nang nag-upload si Itsaragrisil og kopya sa pasaporte sa kanhi MGI titleholder nga si Rachel Gupta, kansa dunay lakip nga numerong dunay Philippine area code.
Sayrang ningtumaw ang maong aksidente human sa kontrobersiya diin naglambigit kang Gupta, kinsa bag-o lang mi-resign isip MGI titleholder tungod sa gikaingong dili maayong pagtratar kaniya ug kakulang sa suporta gikan sa organisasyon.
