-- ADVERTISEMENT --
BUTUAN CITY – Giklaro ni Philippine Amusement and Gaming Corporation kon PAGCOR chairman ug Chief Executive Officer Alejandro Tengco nga wala’y plano ang gobyerno nga buhion ang mga operasyon sa electronic kon e-sabong. Kini ilabina nga wala’y marching order niini si Pangulong Ferdinand Marcos Jr.
Madumdumang niadtong Mayo 2022, gimando ni kanhi Pangulong Rodrigo Duterte ang suspensiyon sa online cockfighting operations.
Nag-isyu na usab si Pangulong Marcos og Executive Order No. 9 niadtong Disyembre 2022 nga nagmando sa padayong suspensiyon sa mga operasyon sa e-sabong sa tibuok nasud.
