-- ADVERTISEMENT --
BUTUAN CITY – Mas gaan ug sayon na ang pagproseso unya sa mga negosyante ning siyudad sa Butuan sa ilang pag-apply o kaha pag-renew sa business permit.
Kini tungod kay ipatuman na karong tuiga ang e-BOSS kon electronic Business One Stop Shop isip pagsunod sa balaud nga Ease of Doing Business.
Sigon ni Atty. Ariel Moshe Cahoy, hepe sa Business Permits and Licensing Department kon BPLD, pinaagi sa e-BOSS mas mapadali na ang tanan tungod kay mahimo na man kining iproseso online. Mu-log in lang sa email address ug musulod sa ilang platform ug didto na himuon ang processing apil na ang pag-isyu sa business permit.
Tungod niini, bisan kadtong mga negosyante nga atua sa abroad, makaproseso gihapon niini.
