-- ADVERTISEMENT --
BUTUAN CITY – Gidala sa ospital si Kris Aquino aron ipa-ilalom sa pipila ka mga pagsusi human nasuta nga “alarming” ang resulta sa iyang blood panel kondiin gi-ubanan siya sa iyang anak nga si Bimby aron mudaway sa ikaduhang dose sa iyang tambal.
Sa post ni Kris, nakakita ang iyang doctor ug pinasahing resulta sa iyang blood test rason nga gitambagan siyang magpa-ultrasound ug uban pang pagsusi aron dili mabutang sa alanganin ang iyang kahimtang.
Madumdumang duna’y 11 ka mga autoimmune diseases si Kris ug naga-inom og isog nga mga tambal sama sa immunosuppressants, antihistamines, uban sa mga vitamins.
Nangayo siya karon og dugang pag-ampo gikan sa publiko alang sa padayon niyang pagpa-ayo dayong pasalamat sa tanang misuporta kaniya.
