BUTUAN CITY – Usa ka daycare teacher sa Illinois ang gidakop tungod sa iyang paghatag og chewable laxatives sa mga bata aron mapauli sila tungod sa kalibanga.
Ang 23-anyos nga si Yizel J. J gi-akusahan og attempted aggravated battery ug pagbutang sa peligro sa kinabuhi o kahimsog sa panglawas sa mga bata, human siya naghatag ug laxatives sa pipila ka bata aron mapagaan ang iyang trabaho.
Sigon sa kapulisan sa St. Charles, Illinois, daghang ginikanan ang mitawag sa ilang istasyon ug nagreklamo nga ang ilang anak gihatagan og chewable laxative sa ilang daycare teacher.
Bisan og murag lisod tuohan ang sumbong, napamatud-an kini nga tinuod human misurender ang suspetsadong ug mi-angkon sa iyang gihimo.
Ang daycare adunay polisiya nga ang mga bata nga masakiton kinahanglan pauli-on ug dili pasudlon sulod sa 24 oras. Gigamit kini sa maong teacher aron mapagaan ang iyang adlaw sa rasong napuno matud pa siya sa iyang trabaho.
Nasayang gisultihan matud pa sa magtutudlo ang iyang mga estudyante nga 2-anyos pa-ubos nga ang chewable laxatives, mga kendi ug wala pa’y klaro kung pila ka higayon na niya kini gibuhat, apan igo na kini nga naka-apekto pag-ayo sa kpanglawas sa mga bata.
