BUTUAN CITY – Gikumpirma ni Dave Hinay, residente sa Cortez, Bohol ug Bombo international correspondent sa Thailand nga normal ang sitwasyon karon sa capital Bangkok bisan pa man sa border conflict nila tali sa Cambodia.
Sa eksklusibong pakighinabi sa Bombo Radyo Butuan, gipadayag ni Hinay nga parehong duna’y gi-isa nga isyu ang panig sa duha ka nasud rason nga silang mga langyaw, wala sila’y dapigan alang na usab sa ilang seguridad ilabina nga dili basta-basta ang isyung gibangian sa duha ka nasud kung hisgutan ang teritoryo ug ilang tagsa-tagsa ka kasaysayan.
Hugot nga siguridad matud pa ang gipatuman sa Thai government ilabina kung padulong na sa border area kondiin duna’y gipangmontar nga mga checkpoints.
Wala usa’y angayang kabalak-an sa mga Pinoy nga anaa sa maong nasud tungod kay kanunay ang monitoring nga gihimo sa Philippine Embassy.
Sa pagkakaron, wala’y angayang kabalak-an kung hisgutan ang seguridad tungod kay bisna sa mga flights, normal pa ang operasyon rason nga normal lang ang mga tourist arrivals ug departures.
Tungod matud pa sa nagpadayong tensyon sa border sa duha ka nasud, nadesisyunan sa kagamhanan sa Cambodia nga i-withdraw ang ilang mga national players nga gipadala ngadto sa Thailand alang sa 33rd Southeast Asian kon SEA Games.
