BUTUAN CITY – Nagtuo si kanhi Integrated Bar of the Philippines (IBP) president Domingo Cayosa nga posibleng mapasakahan og kaso sa mga senador si kanhi Presidente Rodrigo Duterte, nunot sa mga pamahayag niinimahitungod sa pagpatay sa 15 ka mga senador aron makasulod sa senatorial bets niini sa Democratic Party of the Philippines-Lakas Bayan.
Sumala ni Cayosa, bisan og komedya lang kini sa kanhi presidente, apan si kinsa mang senador nga personal nga nahadlok sa pamahayag sa kanhi presidente mahimong pasakaan og kaso.
Dugang niini nga kinahanglan lang nga motestigo sila ug isipon ang pamahayag sa presidente nga hulga sa ilang kaugalingon o sa ilang kaluwasan.
Apan matod niya nga kon walay senador nga motestigo batok sa epekto sa mga pamahayag ni Duterte, mahimong lisod ang pagpasaka og kaso sama sa grave threat, bisan og ang National Bureau of Investigation maoy mohimo sa kaugalingong imbestigasyon.
Matod sa kanhi presidente sa IBP, magbase matud pa ang korte sa ilang desisyon sa bisan unsa nga ebidensya nga makuha ug ipresentar.
Kahinumdumang ning miaging semana, nagtiaw-tiaw si kanhi Pres. Duterte sa PDP-Laban proclamation rally nga patyon na lang niya ang mga senador aron mabakante ang senado.
Kun mapatay ang 15 ka mga senador, makasulod matud pa ang tanang kandidato sa pagkasenador sa PDP.
 president Domingo Cayosa nga posibleng mapasakahan og kaso sa mga senador si kanhi Presidente Rodrigo Duterte, nunot sa mga pamahayag niinimahitungod sa pagpatay sa 15 ka mga senador aron makasulod sa senatorial bets niini){kind=link}