BUTUAN CITY – Nakapamalikas sa way oras si kanhi Presidente Rodrigo Roa Duterte human niini gisaysay sa mga kababayang Overseas Filipino Workers kon OFW nga duna matud pa siyay nadawat nga balita nga may gipagawas na ang International Criminal Court (ICC) nga warrant of arrest batok kaniya.
“Sa totoo lang ang balita ko may warrant daw ako sa ICC or something. Matagal na akong hinahabol ng ptng *na,” sigon ni Duterte atul sa pamahayag niini sa Wan Chai, Hong Kong.
Sumala ni Duterte nga gihimo niya ang tanang kinahanglan nga himoon arun magpabiling luwas ang nasod sa Pilipinas ilawom sa iyahang kadumalahan.
Sigon niini nga nahisentro matud pa ang iyahang mga aksyon isip kanhi Presidente sa pag-mintenar sa peace and order sa nasod.
“Ano man ang kasalanan ko, ginawa ko ‘yun para magkaroon ng konting katahimikan at mapayapa ang buhay ng Pilipino,” dugang pa ni Digong.
Sayrang kamulo ang imbistigasyon sa ICC batok sa kanhi Presidente tungod sa alegasyong may kalapasan matud pa kini sa crimes against humanity kalabot na sa libuan ka mga nangamatay sa iyahang termino tungod sa gihimo niining war on drugs.
Sumala niini nga “Assuming na totoo talaga yung nairiring niyong ginawa ko. Para sa inyo at inyong mga anak sa ating bayan,”
Subay sa rekord sa pangamhanan, ning kabat matud pa sa 6-mil ang mga nangamatay atul sa termino ni Duterte may kalambigitan sa illegal nga drugas. Apan sumala sa tala sa mga human rights groups, ning kabat matud pa kini sa 30-mil kabook.
Anaa sa Hong Kong si Duterte alang sa thanksgiving event para sa mga overseas Filipino workers (OFWs).
Subay niini, gikabutyag usab ni Solicitor General Menardo Guevarra nga wala makadawat ang gobyerno sa Pilipinas og pormal nga notice o bisan unsang komunikasyon gikan sa ICC may kalabutan sa mikatag nga impormasyon mahitungod sa arrest warrant alang kang kanhi pangulong Rodrigo Duterte.
