BUTUAN CITY –Gisubmite na sa mga prosecutors ngadto sa International Criminal Court (ICC) ang ika- unom nga batch sa mga ebidensiya sa kasong crimes against humanity batok kang kanhi Pangulong Rodrigo Duterte.
Kabahin kini sa pre-trial proceedings sa kaso sa kanhi presidente kalabot sa dugoong war on drugs niin, panahon sa iyang administrasyon. Anaa sa kinatibuk-ang 267 ka mga items ang nasubmite na sa prosekusyon gikan sa pagsugod sa disclosure of evidence niadtong Abril 30 ug duha ka higayon na usab niining gipangayo ang pag-extend sa pagsubmite sa maong mga dokumento, kansa gi-aprubahan usab sa ICC.
Tumong sa maong extension nga mahatagan og panahon ang prosekusyon nga ma-apply ang standard redactions sa ilang mga materyales sa ingon maprotektahan ang identity sa mga testigo ug masiguro ang ilang kaluwasan.
Tanan usab nga mga materyales nga gisubmite, mahimong parte sa ebidensiya, ug gamiton sa prosekusyon sa pagdungog sa kumpirmasyon sa kaso sa kanhi pangulo nga himoon sa Setyembre 23 ning tuiga.
