BUTUAN CITY – Dakong hagit ang atubangon ni outgoing Dutch Prime Minister Mark Rutte.
Kini human siya gipanganlan isip mahimong sunod nga secretary general sa North Atlantic Treaty Organization (NATO). Sa usa ka pamahayag nga gipagawas sa alyansa, ang appointment ni Rutte miabot human miatras si Romanian President Klaus Iohannis.
Ang termino sa kasamtangang Secretary General nga si Jens Stoltenberg matapos sa Oktubre 1, 2024.
Si Rutte ang sunod nga mohawid sa usa ka NATO nga nag-atubang og dakong hagit aron pakusgon ang kaugalingon niining seguridad samtang gisuportahan usab ang pag-depensa sa Ukraine batuk sa miatakeng Russia.
Ang alyansa nagtimbang-timbang sa subling paghatag og armas og pagpataas sa paggastos sa militar samtang gilikayan ang tension batuk sa Moscow aron dili mosangpot ang sitwasyon sa dakong security concern.
