BUTUAN CITY – Hilabihan ang pagpasalamat ni Patricio Tabajo, 44-anyos nga taga Lower Doongan ning siyudad sa Butuan sa gipahigayong Bombo Medico 2018 sa Bombo Radyo Philippines.
Sumala pa ni Tabajo nga ning tuiga lang siya nag-antos sa dakong bukol sa iyang li-og nga gitoohag cest apan tungod sa kalisud sa panahon wala pa niya kini napalantaw sa doktor.
Tungod kay suking tigpaminaw na siya sa Bombo Radyo, dakong kalipay niya sa dihang nabati nga dunay libreng operasyon sa mga bukol ug cest atol sa Bombo Medico.
Wala na siya naglangay sa pagkuha ug card tungod sa paglaum nga maka-avail og hingpit nga ma-operahan o kaha mahatagan ug tambal alang sa iyang gihambing balatian. Pagbutyag pa niini nga halos sama kadako na sa kumo ang bukol nga anaa sa iyang li-og.
Tungod niini gelayon kini nga nagpasalamat sa Bombo Radyo Philippines nga maoy nagpasiugda sa libreng serbisyu og sa Ginoo nga naghimung instrumento sa Bombo radyo nga makahatag ug libreng serbisyu sa mga kabus.
