BUTUAN CITY – Padayong gisuta ang kinatibuk-ang damyos human nasunog ang usa ka dumptruck kaganinang alas 11:30 sa buntag sa may Purok 1, Brgy. Crossing Luna, Esperanza, Agusan del Sur.
Ang nasangpit nga insidente miresulta sa pagka-angol usab sa drayber nga nailang si Celifero Aguilar, 29-anyos, menyu nga taga Purok-1, Barangay Bucac, Bayugan City.
Sa impormasyong nakalap ning sibyahan, samtang gimaneho sa drayber ang sakyanan nga nagtangag sa plaka numero CAP 3012 aksidenteng naigo niini ang linya sa kuryente nga miresulta sa pag-spark og pagkasunog sa tibook sakyanan.
Naka-angkon usab ang drayber og minor injury nga daling gidala sa Esperanza Medicare Community Hospital, sakop sa Esperanza, Agusan Del Sur alang sa medikal nga atensiyon. Daling nakaresponde usab ang Bureau of Fire Protection kon BFP Esperanza inubanan sa kapulisan og gideklarang fire out pasado alas 12:10 sa udtu.
