BUTUAN CITY – Gipahiluna na sa usa ka pribadong punerarya ang patay’ng lawas sa usa ka helper sa dump truck human kini nadisgrasya kagahapon sa alas 6:00 sa buntag sa P-10 Pag-asa, Brgy. Tagongon, Tagbina, Surigao del Sur.
Naila ang biktima nga si Wilmar Pesaro, 40 anyos, single, lumulupyo sa P-1, Brgy. Basi, Esperanza, Agusan del Sur.
Sumala sa impormasyong nakuha ning sibyahan, ang maong dump truck nagsumikad sa Bislig City og padulong unta sa Esperanza, Agusan del Sur apan pag-abot sa maong lugar nawad-on kontrol ang drayber niini nga si Iver Arimas Amoroso, 65 anyos, minyo, residenti sa P-17, San Vicente, Panabo City, Davao del Norte.
Miresulta kini sa pagkahulog sa sakyanan sa pangpang nga anaa sa 50 metros ang kahabugon nga miresulta sa kamatayon sa helper samtang daling gidala usab sa ospital ang drayber niini pinaagi sa nakaresponding mga personahe sa Tagbina Rescue Team og Tagbina Municipal Police Station.
