BUTUAN CITY – Padayon karung gisuta ang motibo lakip na usab ang mga suspetsado sa natigayong pagpamusil kaganinang alas 4:58 sa hapon sa may Purok-14, Barangay Baan Km-3 ning siyudad sa Butuan nga miresulta sa kamatayon sa usa ka dumptruck driver.
Naila ang biktima nga si Albert Martin G. Macasmot, 39-anyos, driver sa Dorico Construction og residente sa Purok-1, Barangay Doongan, Butuan City.
Base sa imbestigasyon sa kapulisan, pauli na sa panimalay ang biktima sakay sa single motor og naka-helmet pa, apan pag-abot niini sa corner sa national highway sa maong lugar, giatangan kini sa mga suspetsado og gipusil gamit ang wala pa matumbok nga klase sa armas.
Sa dihang natumba ang single motor sa biktima, nakadagan pa kini pila ka metros apan gigukod sa mga suspetsado ug gitiwasan sa pagpusil adiser misibat ang mga suspek sakay sa laing single motor.
Gisulayan pa pagdala ang biktima sa Butuan Medical Center apan gideklara kining dead-on-arrival sa attending physician nga si Dr. Niko Aspirin.
