BUTUAN CITY – Dul-an sa 30-milyunes pesos nga balor sa ilegal nga druga ang gisunog sa Philippine Drug Enforcement Agency kon PDEA-Caraga ang gisunog kaganinang buntag sa may Richmond Plywood Corporation sa Barangay Mahogany ning siyudad sa Butuan.
Sa eksklusibong pakighinabi sa Butuan Radyo Butuan, gibutyag ni PDEA-Caraga spokesperson Dindo Abellanosa, nga ang gisunog nga mga ilegal nga druga, gilangkuban sa cocaine, shabu ug marijuana kondiin ang 4-kilos nga cocaine apil sa nakit-an sa Surigao area nga nakalusot sa tapok ug gibaligya apan na-intercept sa mga otoridad.
Gidugang sa opisyal nga dili kini ang unang higayon nga gihimo nila ang pagsunog sa maong mga ilegal nga druga kansa duna’y pagtugot sa korte tungod kay ning mi-aging tuig nakasunog na sila og kapin sa sien-milyunes ug 70-milyunes nga susamang mga epektos.
Tumong matud pa nila sa pagsunog niini sa dili pa matapos ning tuiga, aron mawala ang katahap sa katawhan nga iablik kini og baligya diha sa kadalanan.
Gipasabot pa sa opisyal nga ang pagsunog sa maong mga iligal nga drugas, dunay permiso na usab gikan sa Environmental Management Bureau rasong seguradong dili makadaot kini sa palibot
