BUTUAN CITY – Mu-abot sa 199 ka mga noche buena products ang gi-monitor sa Department of Trade and Industry kon DTI-Caraga dinhi lang sa Butuan City ilabina sa 13 ka mga business establishments. Sigon ni Arcily Gonzaga, hepe sa Consumer Protection Division sa DTI-Caraga, ang maong mga produkto duna’y price guide aron mahatagan og saktong impormasyon ang mga kunsumante sa presyo sa ilang paliton nga mga pagkaon alang sa holiday season.
Sa pagkakaron, ang ilang gigamit nga price guide mao ang karaan tungod kay wala pa’y gipagawas nga bag-o ang ilang sentrong buhatan apan gila-uman na nilang mugawas kini adiser pa ang buwan sa Disyembre. Sa maong mga noche buena products, duna na’y uban nga misaka na ang presyo samtang ang uban steady lang ug duna usa’y nagkunhod.
Apan giklaro ni Gonzaga nga apil sa ilang gi-monitor ang luwas nga pagkunsumo sa mga baligyang pagkaon tungod kay katungod man usab kini sa mga konsumidor.
Aron malikayan ang pagkadaut sa palitong mga pagkaon, nanawagan siya sa tanan nga susihon og maayo ang produktong paliton ug likayan ang pagpalit sa mga peke nga produkto.
