-- ADVERTISEMENT --
BUTUAN CITY – Padayon pang gipanubayan sa kapulisan ning siyudad sa Butuan ang natigayong pagpanigbas kagahapon sa kaadlawon sa duha ka mga batan-ong lalaki nga nasutang apil sa nangawat og isda sa pipila ka stalls sa Salvador Calo Public Market kon mas nailang Langihan Premium Market ning siyudad sa Butuan ning mi-aging mga gabii.
Nasayrang nagpatambal sa Butuan Medical Center kon BMC ang mga batan-on human natigbasan sa ulo ang usa samtang sa lawas usab ang laing usa kinsa gi-ubanan sa usa pa nila ka ka-uban sa ilang modus.
Madumdumang nakakawat og gagmay’ng isda ang tulo samtang wala usab nila madayon pagkawat ang dagkong isda nga gipanag-iyahan sa negosyanteng si Lito Calub tungod kay wala nila kini madaug.
