BUTUAN CITY – Padayon ang gilusad nga hot pursuit operation sa Nasipit Municipal Police Station batuk sa mga responsable sa natigayong pagpanulis pasado alas 7:30 kagabii sa may National Highway sa District 3, Barangay Ata-atahon, lungsod sa Nasipit, Agusan Del Norte.
Migawas sa imbestigasyon nga giparada sa kilid sa dalan ang usa ka pulang Toyota Innova nga nagtangag sa plaka numero NBB 2841 nga gipanag-iyahan ni Pinky Gaslang Beniga, 43-anyos, residente og kagawad sa maong barangay og ang laing sakyanan Mitsubishi Expander color Gray nga dunay plate number ZAC 5370 og gipanag-iyahan ni Samson Bucio Lim, 68-anyos, menyu, negosyante nga residente sa Rizal Avenue, Barangay 3, Buenavista, Agusan Del Norte samtang ang mga niini mitambong sa birthday party.
Sa dihang pauli na, nasurprisa nalang ang mga biktima nga guba na ang tuong bintana sa duha ka mga sakyanan og nawala ang mga butang sa sulod niini.
Lakip sa nahanaw gikan sa Innova ang handbag nga dunay sulod nga cash nga miabot sa sien mil pesos, duha ka BDO Passbook, usa ka ATM Card, mga Identification cards og cellphone nga balos mil-500 pesos samtang sa laing sakyanan ang usa ka unit sa Samsung S9 nga nagkantidad og 45-mil pesos.
Base sa testimonya sa nakasaksi, nakita niya og nailhan ang responsable nga si alyas Ace Reyes, legal ang pangedaron, olitawo og residente sa Barangay Camagong, Nasipit, Agusan Del Norte kauban ang duha ka minor-de-edad.
Sa karun giandam na ang kasong ipasaka batuk sa mga responsable.
