BUTUAN CITY – Nahaw-as na karong hapuna lang, gikan sa Taal Lake ang duha gikan sa upat ka mga sakong nasigpatan sa mga sakops a Philippine Coast Guard kaganinang buntag.
Kini subay sa padayon karong pagpangita sa mga missing sabungeros sa lungsod sa Laurel, Batangas pinaagi sa mga divers gikan sa Philippine Coast Guard human napalgan kagahapon sa ground zero ang usa ka sako nga duna’y sulod nga gitu-uhang mga bukog sa tawo kansa gipa-ilalom na sa forensic examination sa mga eksperto gikan sa National Bureau of Investigation kon NBI.
Una nang gibutyag ni PBGen. Jack Wanky, Acting Regional Director sa Police Regional Office 4-A, nakuha ang sunog na nga maong mga bukog, sa lugar nga gisaysay ni Julie “Dondon” Patidongan, alyas “Totoy” nga maoy gidalhan sa mga missing nga mga sabungeros.
Sigon ni Department of Justice spokesperson Atty. Miko Clavano, magpadayon ang pagpasaka nila og kaso batuk sa mga gitumbok nga nalambigit sa pagkawala sa mga sabungero.
Kini bisan pa man og duna o kaha wala’y makitang mga bukog sa mga nawalang sabungeros.
