BUTUAN CITY – Camp restricted na ang duha ka mga pulis nga nakapusil-patay sa nagmaoy nga sibilyang si Rizalito Danuco nga taga-Brgy. Camagong sakop sa maong lungsod.
Sa pakighinabi ning sibyahan, gipadayag sa imbestigador nga si SPO3 Neil Romaguerra nga isolated na sulod sa ilang police station sila PO2 Jillmar Cabornay og PO2 Benjamin Said kondiin dili na sila nakahimo sa ilang duty og dili usab makagawas sa vicinity sa maong istasyon.
Aminado si Romaguerra nga ang mga personahe na sa Agusan del Norte Police Provincial Office o kaha sa Police regional Office-13 ang maglusad og dugang imbestigasyon sa kasong gilambigitan sa duha niya ka mga ka-ubanan.
Mahinumdumang ang duha ka mga pulis ang miresponde sa police assistance nga gipa-abot ni Benito Bernaasor Jr., tungod sa dili na matud pa makotrolang pagmaoy ni Danuco kinsang sakit sa pangisip, mitukar sa maong insidente.
Sa ilang pag-abot sa maong lugar sakay sa kolor itom nga motorsiklo, nakit-an matud pa sa suspek ang mga pulis nga miduol kaniya kondiin gisulayan niini og sumbag si PO2 Said kinsa daling nakalikay.
Mi-uli gilayon ang suspek og mikuha’g bara dayong gukod sa mga pulis kondiin hapit na ma-apsan si Cabornay hinungdan nga gipusil ang tuong paa sa suspek sa makatulo ka higayon og usa ka higayon usab sa tuong paa.
Gipuntirya na usab matud pa sa suspek si PO2 Said hinungdan nga napugos kini pagpusil sa suspek diha sa dughan nga miresulta sa iyang kamatayon. (Beth Ruiz)
