BUTUAN CITY – Padayon karun ang hotpursuit operation batuk sa suspetsado nga nakapatay sa duha ka mga pulis samtang gihimo ang usa ka operasyon batuk sa ilegal nga armas sa Bocaue, Bulacan niadtong Marso 8, 2025.
Sa nahimong pamahayag ni Police Brigadier Gen Jean Fajardo, Chief PNP Spokesperson og Regional Director sa Police Regional Office 3, giila niini ang mga namatay nga pulis nga sila Police Staff Sgt. Dennis Cudiamat og Police Staff Sgt. Gian George Dela Cruz miyembro sa Bocaue Municipal Police Station.
Sumala pa ni Fajardo nga samtang mihimo og buybust operation ang kapulisan diin ila nang nadakpan ang ilang subject, nakita niini ang igsoon sa subject nga duna usay dalang armas og midagan rasong gigukod kini og didto napatay ang duha ka mga pulis.
Nagpaabot og pahasubo ang Philippine National Police ngadto sa pamilya sa mga biktima dayung saad nga makab-ot niini ang hustisya.
Gi-aghat usab niini ang publiko nga makig-alayon og mohatag sa impormasyon alang sa pagkasikop sa suspetsado.
Muabot na sa 200-mil pesos ang reward money diin ang sien mil pesos niini gikan sa PNP sa makatudlo sa nahimutangan sa suspek.
Bitbit sa suspek ang duha ka armas nga gipanag-iyahan sa napatay niining mga pulis.
