BUTUAN CITY – Arestado ang 23-anyos nga Filipino American tungod sa pagpangluba-patay sa tulo niini ka kapamilya sa Baldwin Park, California.
Giila sa Los Angeles County Medical Examiner ang mga biktima nga sila Mia Chantelle Narvaez 8-anyos, Paul Sebastian Manangan, 16-anyos og Rona Nate, 44-anyos. Sumala sa mga silingan, ang mga biktima nagsumikad sa Pilipinas.
Nakahiagum ang mga biktima sa daghang mga linubaan sa lawas nga maoy gikamatay niini niadtong Huwebes usa ka adlaw human ang Pasko.
Miresponde ang Baldwin Park Police Department bandang alas 6:48 sa gabi-i sa Huwebes sa 4700 block sa Bogart Avenue,diin naabtan ang mga biktima nga wala nay kinabuhi.
Misulay usab sa pagsibat ang suspek apan naaresto gihapon kini og nagtingkagol sa prisuhan.
Gitago una sa otoridad ang ngalan og ang relasyon sa suspek ngadto sa mga biktima.
