BUTUAN CITY – Angul ang duha ka piloto ug tulo ka mga crews human nag-crash ang chopper sa Sangley Airport sa Cavite City kaganinang buntag.
Sayran nga nagtake-off ang Naval Helicopter nga NH432 sa nasangpit nga airport para sa functional check flight human ang 400 ka scheduled maintenance inspection.
Apan dihang anaa na sa third sortie ang maong aircraft, kalit lamang kining nahagsa dihang ning attempt na kini pag landing. Sumala ni Navy Spokesperson Commander John Percie Alcos, samaran lamang ang 2 ka mga piloto ug 3 ka mga crew ug kasamtangan nga anaa na sa maayong kahimtang.
Sa pagkutlo ning balita, padayon pa ang imbistiasyon sa nasangpit nga insidente. Samtang, gisuspende na usab sa Civil Aviation Authority of the Philippines kon CAAP ang tanang landing ingon man take-off operations sa Sangley Airport ngayon tungod sa maong insidente.
