BUTUAN CITY- Gi-andam na sa Butuan City Police Office ang mga dokumento ug ebidensya alang sa pagpasaka og tukmang kaso batuk sa duha ka drug personalities nga nadakpan sa duha ka managlahi nga operasyon.
Unang nasikop si alyas “RJ”, 28 anyos, walay trabaho, ug residente sa Brgy. Ong Yiu, ning siyudad kinsa nadakpan ning mi-aging alas 10:00 sa gabii sa Brgy. San Ignacio ug nakuhaan og 76-gramos sa gituohang shabu nga nagkantidad og 516,800-pisos. Ang usa usab, nailang si alyas Dan, 53 anyos, ulitawo, ug lumulupyo sa Brgy.
Babag, ning syudad ug nakuhaan og 6 gramos sa gituohang shabu nga mobalor sa 40,800-pisos. Sumala ni PLT Crispulo Alburo, tigpamaba sa Butuan City Polie Office, nagmalampuson ang ilang operasyon tungod sa tabang sa mga lumulopyo kansa maoy kanunay nga musumbong kanila sa kalihukan sa mga drug users ug dealers ning syudad.
