BUTUAN CITY- Dead on arrival ang duha ka menor de edad human nabanggan ang ilang gisakyang sigle motor sa usa ka Nissan pick up kagahapon sa hapon sa National Highway -Purok 8 Brgy Langkilaan, Trento Agusan del Sur.
Ang mga biktima nailang sila Justin Menendez Hernandez, 17 anyos, lalaki, estudyante ug residente sa P-8, Brgy Langkilaan Trento Agusan Del Sur ug ang backrider niini nga si Hervic Menedez Fernandez, 16 anyos, lalaki, estudyante ug residente sa parehas nga lugar.
Sumala pa nga gidali pa pagdala sa pinakaduol nga tambalanan ang duha ka biktima apan gideklara na kining patay na sa attending physician.
Samtang ang nakabangga nga pick-up nga gimaneho ni Donald Laput Baylen, 60 anyos, minyo, mag-uuma ug residente sa Barangay 9 Lot 2, CDE Subd. Cabantian Davao City kansa sakay niini ang mismo niyang asawa nga si Fredilita Baylon.
Sumala sa mga nakasaksi nga sa wala pa matigayon ang insidente, ang maong pick-up nagbyahe paingun ning syudad sa Butuan apan pag abot sa lugar nga nahitabu-an kalit lamang nga mitabok ang single motor hinungdan nga nabanggaan kini sa maong sakyanan.
Sa kasamtangan, anaa na sa kustodiya sa kapulisan sa nasangpit nga probinsya ang driver sa pick-up ug mag atubang sa tukmang kaso nga ipasaka batok niini.
