-- ADVERTISEMENT --
BUTUAN CITY – Patay ang duha ka mananagat human nagbangga ang gisakyan nilang motor banca sa sa laing motor banca kaganinang alas-9:00 sa buntag, sa kadagatan sa Isla Malingin, lungsod sa Bien Unido, Bohol.
Naila ang mga biktimang sila Rene Awas Reyes ug Bjay Manayon, pulos hingkod ang edad ug managsilingan samtang padayon pang gipanubayan sa kapulisan ang kasugat nilang lain nga motorbanca.
Nasayrang nakadawat og tawag ang Bien Unido Police Station kalabot na sa panagbangga sa duha ka motorbanca apan dihang ilang girespondihan, wala na ang laing sakayang pandagat.
Patay on-the-spot si Manayon samtang gidala pa si Reyes sa Bein Unido Municipal Health Office ug gi-refer ngadto sa Bohol Provincial Hospital apan gideklara nang dead on arrival.
