BUTUAN CITY – Arestado sa mga ahente sa National Bureau of Investigation kon NBI ang duha ka Chinese ug tulo ka Pinoy nga gitoohang mga espiya nga milibot sa Metro Manila lakip na sa Malacañang.
Gipresinta ni National Bureau of Investigation Director Jaime Santiago ang mga naarestong langyaw nga sila Ni Qinhui ug Zheng Wei samtang ang tulo ka Filipino nailang sila Mark Angelo Binza, Leo Laraya Panti ug Omar Khan Kashim Joveres.
Sigon sa NBI, lakip sa mga gilibot-libot sa mga suspek ang Villamor Airbase, Camp Aquinalo, Camp Crame ug US Embassy ug uban pa para sa 2.5 milyones pesos hangtud sa 3 milyones pesos kada buwan nga bayad.
Pinaagi sa pakig-alayon sa National Bureau of Investigation , miarangkada ang mga ahente niini sa balay ni Qinhui diin naaresto ang kakunsabo niini nga si Wei.
Giangkon sa asawa ni Qinhui gna si Melody nga dunay ICT equipment sa ilang condominium unit ug gikuha sa iyang mister isip mga ginsakpan sila Omar, Leo ug Mark nga magpadagan sa ICT equipment sa Metro Manila.
Isip pamatood nga wala nalambigit ang asawa ni Qinhui, boluntaryo niining gisurender ang pipila ka sets sa nasangpit nga equipment o International Mobile Subscriber Identity (IMSI) catchers ngadto sa mga personahe sa National Bureau of Investigation.
