BUTUAN CITY – Duha ka balay sa Purok 1, Brgy. Bading ning siyudad sa Butuan ang nadamyos human natumbahan sa punuan sa kahoy nga Acacia pasado alas-sais kaganing buntag. Apil sa balay nga natumbahan, kadtong gipanag-iyahan ni Jason Congreso ug Nelsie Corpuz, pulos gama sa light materials.
Sigon ni Brgy. Kagawad Roldan Mero, tungod sa kasayo pa sa maong hitabo, wala pa manakod ang mga membro sa pamilya COngreso rason nga wala’y na-angol.
Gihanyagan na matud pa sila sa barangay council nga adto una sila temporaryong mupuyo sa barangay hall apan mas gipili sa mga apektado nga mupuyo sa ilang kabanay nga sikbit ra sa ilang balay aron matawhan gihapon ang ilang pwesto.
Mi-aksyon na matud pa ang ilang barangay sa ingon makuha na ang nasangpit nga kahoy ug wala una pasak-i ang apektadong mga balayhangtud nga dili pa ma-assess ang ilang kaluwasan.
