BUTUAN CITY – Nanimaho nang nadiskubrehan sa usa ka motoristang si Kevin Dulao ang duha ka patay nga lawas nga anaa sa lang sa daplin sa kalsada sa Purok 3, Barangay Buclad, Asuncion, Davao del Norte kaganihang alas 7:00 sa buntag, Mayo 6.
Giila nila ang mga biktima nga sila James Diansay Magapang, 21 anyos ug Franklein Roluna Lasaca, 21 anyos, parehong estudyante og residente sa Purok 12b, Barangay Calian, Kapalong, Davao del Norte.
Nakita usab sa maong lugar ang motorsiklo nga nadamyos, sumala sa mga pulis, nadisgrasya matod pa ang mga biktima ug wala dayon kini namatikdan ang panghitabo tungod kay lawom man ang nadisgrasyahan sa mga biktima.
Subay sa mga pulis nga niadtong Mayo 3, 2025 sa gabii giingong nag-bar pa sa Tagum City ang mga biktima, ug alas 4:00 na sa kaadlawon sa Mayo 4, 2025 nanguli.
Walay nakitang foul play ang mga otoridad sa patayng lawas sa duha ka estudyante.
Sa kasamtangan, padayon pa ang lawom nga imbistigasyon sa maong panghitabo.
