BUTUAN CITY – Dead-on-the Spot ang usa ka amahan og iyang anak nga 5-anyos samtang napatay sa ospital ang pag-omangkon nga 9-anyos human sila gibanhigan kagahapon sa udtu sa Barangay General Luna, lungsod sa Carmen, North Cotabato.
Naila ang biktima nga sila Norhan Makasasa ang amaham, anak nga 5 anyos nga batang lalaki ug 9 anyos nga pag-omangkon nga parehong residente sa Sitio Habitat Barangay Pagangan, Aleosan sa maong lugar. Gibanhigan ang mga niini samtang gisubay ang National Highway sakay sa motorsiklo diin gipaulanan sila og bala sa M-16 Armalite Rifle 5.56 at Kalibre 45 base na usab sa mga narecover nga basyo sa bala sa Crime scene.
Natusak-tusak sa bala ang lawas sa mga biktima hinungdan sa ilang kamatayon.
Posibling Rido o personal nga away ang nakitang motibo sa nasangpit nga krimen.
Sa pinaka-ulahing taho gikan kang Col. Gilbert Tuzon, Cotabato provincial police director, natumbok na matud pa nila ang mga suspetsado.
