BUTUAN CITY – Suportado sa Department of Education kon DepEd-Caraga ang Dugong Bombo 2024 sa Bombo Radyo Philippines nga simultaneous nga himuon ugmang adlawa, Sabado Nobyembre 16 sa tibuok Pilipinas nga duna’y Bombo Radyo ug Star FM station.
Kini pinaagi sa regional memorandum nga gipagawas ni regional director Ma. Ines Asuncion nga gipagawas ning mi-aging adlaw’ng Miyerkules, Nobyembre 13.
Nakalatid sa maong memorandum ang panawagan ngadto sa kwalipikadong blood donors nga mulambigit sa voluntary blood donation nga hiumuon sa SM City Butuan event center, 3rd floor ugmang adlawa gikan sa alas-sais sa buntag ngadto na sa alas-siete sa gabii.
Gipasabot sa opisyal nga tumong sa maong kalihukan nga masuportahan ang mga proyektong nagtinguha nga muluwas og kinabuhi ug pagsiguro nga duna’y igong supply sa dugo ang rehiyon
