BUTUAN CITY – Mamahimong natural ra nga nanga dugmok ang mga nakitang nagtapok nga corals kansa nadiskubre sa Sabina Shoal o Escoda Shoal sa West Philippine Sea.
Kini ang gikabutyag ni Dr. Jonathan Anticamara, marine scientist sa University of the Philippines Institute of Biology kansa ning dong sa maong lugar aron himoon ang scientific survey.
Sumala sa maong scientist sa pangutana mahitungod sa kung duna ba gayuy reclamation activities ang China sa nasangpit nga lugar, dili matud pa siento porsyento nga dunay nahitabong reclamation activities tungod kay wala man usay nasigpatan nga mga Chinese vessels sa maong lugar, apan dugang niini nga nag-anam matud pa ug kadaghan ang mga natapok nga dugmok na nga mga corals sa nasangpit nga dapit.
Pasabot usab ni Dr. Anticamara nga sa kadako sa damyos sa mga corals, mamahimo matud pa nga tungod kini sa bagyo nga ning igo sa maong dapit. Alayon niini, giangkon gihapon sa maong scientist nga halos 100% nang patay ang mga corals sa Escoda Shoal taliwala sa nasigpatang coral bleaching.
Sa kasamtangan, sumala ni Dr, Anticarma nga wala pay igong ibedensya nga makapamatuod nga ang China ang naghimo sa maong kadaot. Dugang niini nga dapat duna matud pay himoon nga kongkretogn lakang aron mabuhi pa ang mga nangadaot nga reefs sa Pilipinas.
