BUTUAN CITY- Mikabat na sa 3,091 ang kinatibuk-ang kaso sa Covid-19 ning rehiyon tungod sa bag-ong 27 ka mga kaso sa covid-19 nga nadugang kondiin 16 ang mga lalaki ug 11 ang mga babae nga anaa sa edad nga 21 hangtod 60 anyos.
Gikan sa maong ihap, 1 ang gikan Nasipit Agusan del Norte, 2 sa Cabadbaran City kondiin tag-usa sa Brgy.9 ug Comagascas.
Samtang dunay 6 sa Agusan del Sur nga nabahin sa Bunawan-4, tag usa sa San Francisco ug Sta Josefa, duna usab 3 gikan sa Surigao del Norte nga nabahin sa Alegria-2, claver-1, samtang 3 sa Surigao City nga tag usa sa Brgy.Canlalipa, Quezon ug Taft.
Mitala usab og 7 gikan sa Surigao del Sur nga gilangkuban sa Madrid-4, Barobo-3, samtang dunay 3 gikan sa Bislig City nga gilangkuban sa Mangagoy-2 ug 1 sa San Fernando, ug 1 gikan sa Dagocdoc, Tandag City samtang 1 lamang ang gikan sa Butuan City nga taga Brgy. Libertad.
Sa karun dunay 15 ka mga local transmission, 11 ang walay travel history ug 1 ang Returning Overseas Filipino kondiin sa maong ihap 19 ang asymptomatic, 6 ang mild ug 2 ang severe.
As of Nobyembre 10,2020, dunay 4 ang natalang patay sa covid-19 nga mao ang 56 anyos nga lalaki gikan sa Surigao City nga namatay niadtong Nobyermbre 3 ug ikaduha ang 62 anyos usab nga lalaki gikan sa Magallanes, Agusan del Norte kansa namatay niadtong Nobyembre 9 samtang ang ikatulo mao ang 61 anyos nga parehas lalaki nga taga Butuan City diin namatay niadtong Nobyembre 6,2020 ug ang ika upat mao ang 60 anyos nga babae gikan ning syudad ug namatay niadtong Nobyembre 9 ning tuiga.
Sa kasamtangan, duna na’y 389 ka mga aktibong kaso sa sakit nga covid-19 , 2, 565 angmga nakarekober ug 137 na ang natalang patay.
