BUTUAN CITY – Gipahinumduman sa transportation sector ning dakbayan sa Butuan ang mga traffic enforcer nga unahon ang kaluwasan sa ilahang kinabuhi, taliwala sa mga pagsulay sa ilahang trabaho.
Kini ang baruganan ni Wilfredo Ybañez, ang Presidente sa Butuan City-Wide Tricycle Transport Corporation, human gipasidunggan kagahapong adlawa sa panggamhanan sa Butuan si Ernie Abasula. Kahinumdumang nag viral si Abasula human kini ni kapyot sa nagdagan nga delivery truck sa may JC Aquino Ave. Nasuta nga usa ka violator sa trapiko ang nasangpit nga truck, apan ning sutoy kini human gipahunong sa traffic enforcer arun ticketan, rason nga nikapyot si Abayola sa maong sakyanan.
Pag-angkon ni Ybañez nga dili lalim ang trabaho sa mga enforcer, apan pahinumduman niini nga unahon pagsiguro, labaw sa tanan, ang kinabuhi tungod kay walay bugti niini.
Tambag usab niini sa mga motorista nga kinahanglang mamahoimong makalmahon, ug mosunod sa mga balaod-trapiko
Alayon niini, gidayeg usab sa opisyal ang buhatan sa Butuan City Transportation and Traffic Management Department kon CTTMD, sa lakang niini diin gipasidunggan ang nasangpit nga enforcer, tungod kaymamahimo man unya kini nga panag-ingnan sa uban pang mga alagad sa trapiko sa pagkamatinud-anon sa ilahang trabaho.
