BUTUAN CITY – Kanunayng abli ang buhatan ni Pangulong Ferdinand Marcos Jr. sa tanang mahinungdanong suhesyon ug mga rekomendasyon nga tumong ang pagpalambo sa kinahuhi sa mga Pilipino.
Kini ang pamahayag ni Palace Press Officer Usec Claire Castro, human sa gikataho sa Office of the Vice President (OVP) nga wala matud pa gisuportahan sa pangamhanan ang pondo sa buhatan niini alang sa mga proyekto ug programa sa OVP. Sumala pa ni Castro atul sa pulong balitaan sa Malacañang, kanunayng welcome, ug sukad, wala gidid-an sa admnistrasyon ang mga maayong suhesyon gikan sa OVP.
Subay sa opisyal nga andam matud pang mamati si Pangulong Marcos sa nasangpit nga mga suhestyon sa Bise Presidente. Sumala pa ni Castro nga dunay panahon kaniadtu diin gikataho pa ni VP Sara nga nasayod matud pa kini sa formula sa pagpakunhod sa presyo sa bugas sa Pilipinas, apan wala matud pa niya kini gipaambit sa pangamhanan, ug ang bise Presidente matud pa ang nagdumili sa pagtabang sa gobyerno.
Ang pamahayag ni Palace Press Officer Usec Claire Castro.
