BUTUAN CITY – Gikumpirma ni Justice Secretary Jesus Crispin Remulla nga nakadawat siya og mga reports nga gi-deny matud pa ang asylum application ni kanhi presidential spokesperson Harry Roque sa Netherlands rason nga gimando na karon sa korte ang pag-aresto kaniya.
Sigon ni Remulla, ang pag-deny sa Netherlands sa maong aplikasyon ang nag-aghat matud pa kang Roque nga mudangop ngadto sa kagamhanan sa Germany alang sa iyang asylum application.
Apan giklaro sa Justice chief, nga ang kanselasyon sa passport ni Roque sa Angeles City Regional Trial Court nagpadayon. Gawas pa, pwede usab silang mag-file og extradition irason nga posibleng dili na usab kinahanglang kanselahon ang iyang pasaporte.
Madumdumang gihangyo kini sa Department of Justice aron iyang ma-atubang ang kasong qualified human trafficking nga duna’y kalambigitan sa iyang koneksyon sa mga Philippine Offshore Gaming Operators kon POGOs kansa hugot nga gipanghimakak sa akusado.
