Dutch national, nangilog og armas sa usa ka pulis

BUTUAN CITY – Tingkagol sa General Santos City Police Station ang usa ka Dutch national kinsa nasamdan human nangilog og pusil sa usa ka pulis sa Crossing Makar, Barangay Labangal, kagahapon.

Angol sa maong insidente si Patrolman Collado, human nakiglayog sa suspek aron bawion ang iyang armas nga gi-ilog.

Migawas sa imbestigasyon nga kalit lang miduol ang suspek sa motorsiklo sa pulis dayong ilog sa pusil ni Patrolman Collado hinungdan sa grabeng komosyon.

Sa ilang inilugay, mibuto ang armas sa pila ka higayon rason nga pareho silang na-igo apil na ang usa ka sibilyan.

Gipakisayran na ang legal nga estado sa suspetsado dinhi sa nasud ingon man ang pagsuta sa motibo sa iyang gihimo.