BUTUAN CITY – Nagpadala gilayon og ayuda ang Department of Social Welfare and Development kon DSWD Field Office Caraga ngadto sa lima ka pamilya nga na-apektuhan sa landslide sa San Luis, Agusan del Sur.
Subay sa DSWD Caraga, gidali nila ang paghatag og lima ka family food packs kun (FFPs) ngadto sa lima ka pamilya, kauban ang hygiene kit, family kit, kitchen kit, ug sleeping kit aron matubag ang ilang daling panginahanglan. Nagpa-abot na usab sila sa ilang pahasubo ngadto sa mga na-apektuhan ug gisiguro ang padayon nga suporta ug tabang.
Madumdumang tulo na sa unom ka mga missing ang narekober nga na-ilang sila Gerry Abundo, lolo sa una nang nakaplagang patay nga si John Paul Abundo, 3-anyos; ug si Junard Gonzales, ang driver sa Saddam truck.
Padayon usab ang pagpangita nila Helen Abundo, 62-anyos, usa pa ka Saddam truck driver nga si Elwin Mantibalan, ug ang driver sa motorsiklo nga si Macjoe Nuer.
