BUTUAN CITY – Nagtoo ang Kilusang Magbubukid nga Pilipinas nga padayong malubong sa kakabus ang mga Pilipinong mag-uuma ugaling dili tanggalon sa pangamhanang Marcos ang Import Liberalisation Law sa Pilipinas, kini taliwala pa man sa kapin 2-bilyones Pesos niining budget sa 2026.
Sumala ni Danilo Ramos, Presidente sa Kilusang Magbubukid nga Pilipinas nga lakip sa mga kinahanglang tanggalon sa administrasyon ang Rice Tariffication Law; 15% nga taripa sa mga produktong gikan sa laing nasod, 0-tariff sa US ug uban pa.
Subay niini nga hangtud dili kini mawala nga mga balaod, pabiling luge ang mga mag-uumang Pilipino.
Dugang niini nga dili usab sigo ang nakuhang parte sa DA sa proposed ₱6.793-trillion National Expenditure Program nga anaa lamang sa ₱239.2 billion. Sumala niini nga nagkinahanglan matud pa ang mga mag-uuma dugang budget alang sa ilahang mga yuta, abuno, ug uban pa.
Saysay pa sa opisyal nga taliwala pa man nga ang education sector ang dunay pinaka dakong budget sa maong proposed National Expenditure Program, dili matud pa ikalimod nga Infrastructure projects ang pokas karon sa pangamhanan.
