BUTUAN CITY – Gipalig-on sa Muntinlupa City Regional trial court (RTC) ang desisyon niining pagpa-walay sala kang kanhi Senadora ug kasamtangang Mamamayang Liberal (ML) Partylist Rep. Leila de Lima ingon man sa Driver niining si Ronnie Dayan, kansa gipasahan og kaso tungod matud pa sa kalambigitan niini sa iligal nga droga.
Gihimo sa maong korte ang nasangpit nga pagpalig-on human gi-remand o gibalik sa Court of Appeals Eight Division ang desisyon sa RTC niadtung Mayo 12, 2023 tungod kay pakyas matud pa kining hisgutan ang partikular nga kamatuoran ingon man ang mga balaod diin gibase sa huwes ang sa pag-abswelto sa nahisgutang mga personalidad.
Isip tubag sa korte, gisubli ni Muntinlupa Regional Trial Court Branch 204 Judge Abraham Joseph Alcantara nga ang pagbawi sa testimonya ni kanhi Bureau of Corrections (BuCor) chief Rafael Ragos kay igo na isip sumbanan sa baruganan sa RTC nga constitutionally guaranteed presumption of innocence.
Kahinumdumang gibutyag kaniadtu ni Ragos nga gihatod mtud pa niini ug sa aide nga si Jovencio Ablen Jr. ang P10 milyon nga kantidad kansa nalikom gikan sa illegal drug trade sulod sa New Bilibid Prison ngadto sa balay sa kanhi justice secretary nga si De Lima sa Parañaque City niadtung Nobyembre ug Disyembre 2012.
Apan niadtung 2022, gibawi ni Ragos ang testimonya niini kontra kang De Lima.
Kahibaloang halos pito ka tuig usab nga napriso si De Lima adiser kini naka-piyansa niadtung Nobyembre 2023.
