-- ADVERTISEMENT --
BUTUAN CITY – Napasa na sa mga otoridad ang tanang mga papeles ingon man ebidensya batok sa mga nasikop nga indibidwal sa may Lipata Port sa Surigao City, Surigao del Norte human nakuhaan og dul-an sa 5-milyones pisos nga mga smuggled nga sigarilyo.
Sumala ni PCPT. Joseph Taguic, opisyal sa Surigao Maritime Unit, naduso na ngadto sa piskalya ang reklamo batok sa nasangpit nga mga indibidwal.
Madumdumang ilang nasapon ang mukabat sa 4-milyunes, 840-mil pisos nga mga smuggle cigarettes sa sakyanang gidala sa sispetsadong driver ug ka-uban niining pahenante. Nasuta nga gikan pa ang duha sa General Santos City ug padulong unta sa may Cavite agi sa Lipata Port.
Ang pamahayag ni PCPT. Joseph Taguic, opisyal sa Surigao Maritime Unit.
