BUTUAN CITY – Walay gi-lapas nga balaod ang Department of Justice (DOJ) sa pag tabang niini sa mga testigo batok kang kanhi Presidente Rodrigo Roa Duterte, kini sumala na ni CenterLaw for International Law Executive Director Gilbert Andres, sa eksklusibong pakighinabi kaniya sa Bombo Radyo.
Kahinumdumang gikumperma ni Department of Justice Secretary Jesus Crispin Remulla nga gihatagan niini og proteksyon ang tulo ngadto sa upat ka mga tesitgo batok sa kanhi Presidnete. Sigon pa sa Secretary nga andam usab ang ahensya nga tabangan ang nasangpit nga mga testigo sa ilahang byahe ngadto sa the Netherland arun mobarog batok kang duterte.
Sigon pa ni Anderes nga walay balaod nga gilapas ang Department of Justice sa maong lakang bisan pa kung dili membro sa International Criminal Court ang Pilipinas.
Pasabot pa niini sa publiko nga dunay residual obligation ang Pilipinas sa International Criminal Court taliwala pa man nga nihawa na kini sa maong korte.
Sumala niini nga ang maong obligasyon, kay mao ang mga nabiling responsibilidad sa Pilipinas sa International Tribunal human kini nihawa sa maong grupo. Lakip sa maong responsibilidad ang obligation to cooperate sa international body.
Sumala sa abogado nga ang gihimong lakang sa Pilipinas nga paghatag og proteksyon sa mga testigo kay nagpakita lamang nga gisunod sa nasod ang mga presnsipyo sa maong tribunal.
Alayon niini, gikalro ni Andres nga dili pa una ipakita sa ICC ang tanang testigo batok sa kanhi Presidente karong Septembre tungod kay dili pa man kini ang gikatakdang panahon diin kinahanglang pamatud-an nga walay sala si Duterte, kundili kinahanglan lamang matud pang pamatud-an sa prosekusyon kung nganong ipadayon ang pagtaral sa kang Duterte.
