BUTUAN CITY – Anaa na sa buhatan sa National Bureau of Investigation si kanhi Congressman Arnulfo Arnie Teves Jr. human kini nakabalik na sa Pilipinas human gideport gikan sa Timor-Leste asa kini nangita og asylum.
Nakaabot ang gisakyan niining abyun gikan sa nasangpit nga nasod sa Davao International Airport bandang alas 7:40 ang takna kagabie alang sa stop over, samtang niabot usab kini sa Villamor Airbase pasado alas 11 an ang takna sa gabie.
Subay niini, nagpagawas gilayon og pamahayag si Presidnete Ferdinand Bongbong Marcos Jr. pinaagi sa video message nini sa social media kansa nagsaysay nga gipaniguro matud pa sa iyahang pangamhanan nga dili makaikyas sa silot ang sama sa gihimong krimenni Teves. Sayrang gipasanginlan ang kanhi Kongressista nga utok sa pagpatay sa kanhi Governor sa Negros Oriental nga si Roel Degamo.
Saysay pa ni Marcos nga gikataho matud pa ni Timor-Leste Prime Minister Xanana Gusmao nga andam ang ilahang nasod sa pagpa-uli kang Teves sa Pilipinas, subay niini gipasalamatan usab ni Marcos ang liderato ni Gusmao kansa usa matud pa sa dunay dakong tabang sa nasangpit nga pagkasikop sa kanhi Kongresista.
Kasamtangang atubangon ni Teves ang murder, frustrated murder, ug attempted murder nga mga kaso subay sa giingong pagpatay kang Degamo ug lain pang napulo niadtong Marso 4, 2023 sa Degamo residence sa Pamplona, Negros Oriental.
