BUTUAN CITY – Nag-trending na usab karon ang gipa-ambit nga hulagway ni film director, screenwriter, ug producer Darryl Yap uban si Vice President Sara Duterte kagahapong adlawa, Biernes Pebrero 6, nga adunay caption nga: “Tapusin mo silang lahat.”
Kahinumdoman nga kaniadtong Oktubre 17, 2025, gideklara sa direktor nga si Vice President Sara Duterte ang mamahimong sunod nga presidente sa Pilipinas.
Si Yap usa ka iladong supporter sa mga Duterte ug sa administrasyon ni kanhi Presidente Rodrigo Duterte.
Gani, aktibo usab siya sa 2022 campaign period, diin siya ang nagpaluyosa kontrobersyal nga political satire nga nagsuporta sa Uniteam kaniadto nipa Presidente Bongbong Marcos ug VP Sara Duterte.
Bisan pa man nga nabungkag ang Uniteam human ang mga isyu tali sa duha ka pinaka-taas nga opisyal sa gobyerno, gipakita gihapon ni Yap ang iyang suporta kang VP Sara Duterte.
Kanunay usab siyang magpa-ambit sa iyang baruganan sa politikal nga mga isyu, mudepensa sa Bise Presidente, ug motubag sa mga kritiko sa laing kampo.
