BUTUAN CITY – Ang pagpabuto sa dalang armas tumong ngadto sa poseur buyer sa kapulisan sa Buenavista, Agusan del Norte ang hinungdan nga gipusil-patay sa operatiba ang drug suspect sa gihimong buy bust operation pasado alas-8:31 sa niaging gabii sa may Purok 4, Sitio Dumurog, Brgy. Manapa, sakop sa maong lungsod.
Naila ang subject person nga si Junnie Tabanao-Garcia, 25-anyos kinsa usa ka kanhi drug surrenderee apan base sa ilang usa ka buwang monitoring, mibalik na pagpayuhot og ginadiling druga.
Gibutyag ni P/Sr. Insp. Calvin Placer – hepe sa Buenavista Municipal Police Station, nakalapit na og suspected shabu ang ilang poseur buyer og dihang namatikdan sa suspek nga pulis ang katransaksyon niini, mibunot kini sa iyang dalang armas dayong pabuto apan dali usab siyang gipulis sa ka-ubanang pulis hinungdan sa kamatayon niini.
Ilang narekober ang gigamit nga super caliber 38 revolver sa suspek nga duna’y upat ka mga buhing bala apil na ang tulo ka sachets sa suspected shabu og tooter.
Aminado ang opisyal nga daghan pa sila’g mga gi-monitor nga drug suspects hinungdan nga magpadayon ang ilang operasyon. (Beth Ruiz)
