Drug personality sa Peru, sikop pinaagi sa pulis nga nagsuot og himos nga capybara mascot

BUTUAN CITY – Wala na maka ikyas pa ang usa ka lalaking tigpayuhot og illegal nga drugas sa Lima, Peru, human kini nadakpan pinaagi sa pulis nga nakasuot og perti ka himos nga mascot nga capybara.

Gihimo ang pagsikop sa maong lalaki atul sa valentines day, diin kauban ang usa ka babaye nga usa usab ka undercover police, ilang gituk-yok ang balay sa maong lalaki ug nagpaka-arung ingnon nga duna silay surpresa alang kaniya.

Dihang giablihan na sa lalaki ang pultahan niini arun untana abi-abihon ang mga bisita, dere na siya gilat-ugan sa pulis nga nagsuot og capybara costume.

Subay niini, nanulod gilayon ang mga kaubanan nilang kapulisan ug dere na giposasan ang lalaki.